У Койданаўскім раёне мужчына пагражаў пісталетам на запраўцы

• 6.10.2024, 17:10

Работнікі станцыі націснулі кнопку трывожнай сігналізацыі.

Інцыдэнт адбыўся раніцай у нядзелю, 6 кастрычніка. Паблізу вёскі Вязань Койданаўскага раёна ў краму пры АЗС зайшоў мужчына і стаў пагражаць іншым наведвальнікам «прадметам, падобным да пісталета», распавядае падрабязнасці прэс-служба МУС.

Работнікі станцыі націснулі кнопку трывожнай сігналізацыі. Праз некалькі хвілін прыбыў патруль мясцовага аддзела аховы. Зламыснік спрабаваў уцячы, але яго затрымалі.

Медагляд 47-гадовага жыхара Фаніпаля паказаў, звыш трох праміле алкаголю. Пісталет быў траўматычным.