The Conversation: Байдэн прыдумаў новы план падтрымкі Кіева перад адстаўкай Джо Байдэна

• 6.10.2024, 16:41

Падрабязнасці.

Амерыканскі прэзідэнт Джо Байдэн перад адстаўкай у студзені мае намер забяспечыць працяг падтрымкі Украіны з боку ЗША ў выпадку перамогі на выбарах рэспубліканца Дональда Трампа, піша ў калонцы для The Conversation прафесар міжнародных дачыненняў у Лонданскім універсітэце Royal Holloway Мішэль Бэнтлі.

«Акрамя таго, Байдэн хоча пакінуць сваю спадчыну. Прэзідэнцкая пасада была мэтай усёй яго кар'еры, і ён спадзяваўся на другі тэрмін. Яго хвалюе вынік працы на гэтай пасадзе. Дасягнуты ў апошнюю хвіліну прагрэс ва Украіне стаў бы заканчальнай перамогай, якая надоўга запомніцца», - піша яна.

Прафесарка нагадала, што нядаўна Байдэн санкцыянаваў для Украіны «значнае павелічэнне дапамогі ў галіне бяспекі» на $ 8 млрд, а таксама загадаў Пентагону накіраваць на падтрымку Украіны ўсе закладзеныя на гэтыя мэты сродкі - на выпадак, калі наступны прэзідэнт паспрабуе інакш размеркаваць грошы.

Байдэн у апошнія два месяцы прэзідэнцтва - пасля дня выбараў новага лідара 5 лістапада і да інаўгурацыі 20 студзеня - стане, згодна з распаўсюджаным выразам, «кульгавай качкай». У артыкуле зазначаецца, што ў гэты перыяд прэзідэнты могуць паспець прапіхнуць важныя палітычныя пастановы, але іх уплыў ужо будзе абмежаваны.

Трамп крыху адстае ад сваёй дэмакратычнай саперніцы Камалы Гарыс, якая абяцала працягваць палітыку адыходзячай адміністрацыі ў пытанні падтрымкі Украіны. Разрыў паміж імі складае толькі каля 2,5% (48,4 супраць 45,9%), вынікае з сярэдніх вынікаў апытанняў.