На фронце загінуў зяць Ірыны Фарыён

• 6.10.2024, 15:29

У баі з расейскімі захопнікамі на Северскім кірунку.

На фронце загінуў украінскі ваяр Васіль Асоба. Ён быў зяцем забітай мовазнаўцы Ірыны Фарыён.

«Гарыце ў пекле, падонкі! Васіль Асоба забіты! Маё каханне», - паведаміла ў Facebook дачка Фарыён Сафія Сямчышын.

Дэпутат Львоўскага аблсавета ад «Свабоды» Іосіф Сытнік удакладніў, што Васіль Асоба загінуў на Северскім кірунку. Ён быў байцом «Легіёна Свабоды», мінамётчыкам, старэйшым салдатам 4-га батальёна «Сіла Свабоды» Брыгады НДУ «Рубеж».

У Сафіі Сямчышын і Васіля Асобы засталося двое агульных дзяцей - Ева і Дзмітрый.