УСУ распляжылі магутны бранятанкавы штурм РФ пад Канстанцінаўкай

• 6.10.2024, 13:34

Расейцы панеслі цяжкія страты ў бронетэхніцы і жывой сіле.

Воіны 79-й асобнай дэсантна-штурмавой Таўрыйскай брыгады УСУ адбілі масаваную расейскую атаку ў Данецкай вобласці.

Відэа са знішчэннем расейскіх акупантаў апублікавала прэс-служба брыгады ў сваім тэлеграм-канале.

На гэты раз расейцы для прарыву ўкраінскай абароны прыцягнулі 10 адзінак бронетэхнікі.

Дэсантнікі паведамляюць, што паблізу вёскі Канстанцінаўкі на Курахаўскім кірунку акупанты кінулі ў штурм 9 баявых браняваных машын з пяхотай пры падтрымцы танка і аўтатэхнікі.

Паведамляецца, што падчас бою 20 расейцаў загінулі, яшчэ 23 атрымалі раненні. Украінскія абаронцы для знішчэння тэхнікі і пяхоты супраціўніка ўжывалі ўдарныя дроны і скіды з коптараў. Частка тэхнікі была знішчаная дзякуючы загадзя замінаванаму шляху магчымага прасоўвання ворага.

«Падчас бою нашыя ваяры знішчылі танк і 5 бронемашын, яшчэ адну пашкодзілі. А ў дадатак спалілі яшчэ і багі, які спрабаваў прарвацца да нашага пярэдняга краю», - паведамілі ў брыгадзе.