WP: Ізраіль атакуе Іран цягам 48 гадзін

• 6.10.2024, 8:05

Войскі ЗША ў стане падвышанай боегатоўнасці.

Ізраіль, паводле папярэдніх звестак, мае намер нанесці ўдар па Ірану цягам найбліжэйшых 48 гадзін. Ён стане адказам на ракетную атаку Тэгерана па ізраільскай тэрыторыі, якая адбылася 1 кастрычніка.

Аб гэтым піша The Washington Post.

Паводле інфармацыі выдання, амерыканскія войскі, размешчаныя на Блізкім Усходзе, знаходзяцца ў стане падвышанай баявой гатоўнасці, у выпадку неабходнасці яны павінны будуць неадкладна схавацца ў сховішчах.

Тым часам кіраўнік ізраільскага ўрада Біньямін Нэтаньяху звярнуўся ў суботу да нацыі і заявіў аб праве Ізраіля адказаць на іранскі напад, якім краіна скарыстаецца.

«У Ізраіля ёсць абавязак і права абараняць сябе і рэагаваць на гэтыя напады, і мы гэта зробім», - заявіў прэм'ер-міністр.