Зяленскі пра ўдары па аэрадромах РФ: Тое, што больш за ўсё трэба

• 5.10.2024, 20:42

Украіна чакае ад партнёраў больш рашучых крокаў.

Украіна паказвае выдатныя вынікі. Гэта звязана з тым, што цяпер у вайскоўцаў дастаткова зброі і дальнабойнасці.

Пра гэта гаворыцца ў заяве прэзідэнта Украіны Уладзіміра Зяленскага.

- Хачу адзначыць ўкраінскіх воінаў, якія свайго роду рыхтуюць наступны «Рамштайн». Гэта значыць дэманструюць, што могуць украінцы, калі маюць дастаткова зброі і дастаткова дальнабойнасці. Хачу падзякаваць усім воінам Цэнтра спецыяльных аперацый «А» Службы бяспекі Украіны - усім, хто дэмілітарызуе расейскія вайсковыя аб'екты, - падкрэсліў прэзідэнт.

У той жа час ён падзякаваў украінскім вайскоўцам за знішчэнне расейскай вайсковай лагістыкі.

- Асабліва за трапленне па расейскіх вайсковых аэрадромах. Гэта тое, што найбольш патрэбна. Кожная знішчаная база расейскіх вайскоўцаў, кожная знішчаная база расейскіх самалётаў, кожны знішчаны склад з авіябомбамі - гэта выратаванне жыццяў украінцаў, гэта рэальная падтрымка для фронту. Будзем пераконваць партнёраў, што недастаткова толькі ўкраінскіх дронаў. Патрэбны больш рашучыя крокі. Тады заканчэнне гэтай вайны будзе бліжэйшым. Я ўпэўнены ў гэтым, - падсумаваў прэзідэнт Украіны.