Афрыканская краіна публічна прынізіла Расею

• 5.10.2024, 17:24

РФ усё больш ізалююць.

Нацыянальная каманда Танзаніі адмаўляецца гуляць з камандай Расеі, спасылаючыся на шчыльны графік. Дарэчы, Міжнародная федэрацыя Футболу (ФІФА) і Звяз еўрапейскіх футбольных асацыяцый (УЕФА) адхілілі ўсе расейскія клубы і нацыянальныя каманды ад міжнародных спаборніцтваў да далейшага апавяшчэння, праз што мала каманд згаджаюцца гуляць з РФ.

Пра гэта заявіў кіраўнік федэрацыі футбола Танзаніі Уолес Карыя. Ён зазначыў, што, магчыма, гульня адбудзецца налета.

«Мы маем кантакт з Расеяй, як і з іншымі краінамі, але ў гэтым месяцы таварыская гульня немагчымая.

У нас запланаваны дзве гульні кваліфікацыі Кубка Афрыкі з Конга. Сёлета наш матч малаверагодны, але мы паглядзім, што можна зрабіць у лістападзе ці ў наступных паўзах на матчы нацыянальных каманд.

У Афрыцы ёсць праблемы з лагістыкай, але як толькі ў нас будзе дастаткова часу ў вокнах ФІФА, мы можам паспрабаваць арганізаваць гэты матч.

Мы не супраць гульні з Расеяй, і ў будучыні такі матч магчымы», - сказаў Уолес.

У сеціве палічылі гэтую заяву прыніжэннем РФ. Карыстальнікі жартуюць, што Расеі трэба згуляць з неіснуючымі дзяржавамі.