Афіцыйна: Украінскія вайскоўцы збілі расейскі самалёт у раёне Канстанцінаўкі

• 5.10.2024, 15:04

Інфармацыю пацвердзіў кіраўнік мясцовай адміністрацыі.

Украінскія вайскоўцы збілі расейскі самалёт у раёне Канстанцінаўкі Данецкай вобласці. Верагодна, размова ідзе пра Су-25.

Пра гэта паведаміў кіраўнік Канстанцінаўскай ГВА Сяргей Гарбуноў, піша suspilne.media.

«Аскепкі часткова траплялі вакол горада Канстанцінаўка. Аскепкі таксама ўпалі ў прыватны сектар – пашкоджаныя некалькі прыватных дамоў. Ахвяраў ці пацярпелых ад гэтай падзеі няма», – расказаў ён.

Раней у сетцы з'явілася інфармацыя пра збіццё расейскага самалёта ў раёне Канстанцінаўкі.

Ужо нават з'явіліся фота і відэа інцыдэнту. Пры гэтым асобныя Telegram-каналы не выключаюць, што расейскі самалёт быў збіты сваёй жа авіяцыяй.