Баі за газавыя вышкі каля Змяінага: З'явіліся эксклюзіўныя кадры

• 5.10.2024, 11:44

Украіна вярнула кантроль над часткай аб'ектаў.

Дзяржаўная памежная служба Украіны апублікавала эксклюзіўныя кадры баёў за газаздабыўныя вышкі ў Чорным моры. Адноўлены кантроль над часткай аб'ектаў.

Пра гэта паведамляе Дзяржаўная памежная служба Украіны.

Паведамляецца, што спецназ памежнікаў разам з падраздзяленнямі ваеннай выведкі адбіваюць у расейцаў вышкі каля вострава Змяіны.

«Тытанічнымі намаганнямі захопленая і ўзятая пад кантроль частка гэтых стратэгічна важных аб'ектаў, якія выконваюць ролю нашых марскіх крэпасцяў. Іх утрыманне дазваляе кантраляваць значную частку акваторыі і ўзмацняць абарону», – гаворыцца ў паведамленні.

На апублікаваным відэа пасля планавання аперацыі байцы штурмуюць захопленыя вышкі з катараў.