Жыхары Калінкавічаў паказалі на відэа падзенне беспілотніка і выбух

• 4.10.2024, 15:11

Спачатку чутны гук "мапеда", затым - магутная дэтанацыя.

У чатах Калінкавічаў распаўсюджваецца відэа падзення беспілотніка.

Відэа суправаджаецца ростам шумам бензінавага рухавіка "як у мапеда", піша "Флагшток".

Пасля бліскавіца — і згасае святло на дварэ, дзе вісіць камера відэаназірання, пасля далятае гук выбуху.

Гэты выбух пачулі жыхары ўсяго райцэнтра Гомельскай вобласці і суседніх вёсак 3 кастрычніка а 04.54.

Меркавана, упершыню расейская «Герань», якая перыядычна адхіляецца ад курсу пры палёце бамбаваць Украіну, узарвалася ў населеным пункце Беларусі або паблізу яго.