Ва Украіну прыбыла сістэма Patriot ад Румыніі

• 3.10.2024, 16:53

Зяленскі падзякаваў Бухарэсту.

Украіна атрымала сістэму супрацьракетнай абароны Patriot, якую ёй падарыла Румынія. Пра гэта паведаміў прэзідэнт Украіны Уладзімір Зяленскі, а таксама пацвердзілі ў Мінабароны Румыніі.

Так, вечарам, 2 кастрычніка, у сацсетцы X Уладзімір Зяленскі падзякаваў хаўруснікам за дапамогу ва ўзмацненні СПА.

«Адмысловая падзяка Румыніі за сістэмы Patriot. Разам мы можам дасягнуць яшчэ большай эфектыўнасці - мы можам пакласці канец расейскаму тэрору, супольна знішчыўшы «Шахеды» і ракеты», - напісаў прэзідэнт.

Сёння прадстаўнік Мінабароны Румыніі Канстанцін Спіну ў каментары «Радыё Свабода» таксама пацвердзіў, што ЗРК Patriot ужо ва Украіне.

«Мы пацвярджаем, што сістэма Patriot прыбыла ва Украіну», – заявіў ён.