Малгажата Гасеўска стала кіраўніцай дэлегацыі Еўрапарламента ў сувязях з Беларуссю

• 3.10.2024, 12:08

На нядаўніх дэбатах яна выступала па-беларуску.

Еўрадэпутат ад Польшчы Малгажата Гасеўска ўзначаліла дэлегацыю Еўрапарламента ў сувязях з Беларуссю, паведамляе карэспандэнт сайта Charter97.org.

Малгажата Гасеўска - былая віцэ-маршалка польскага Сейма, экс-намесніца старшыні Камісіі ў замежных справах польскага парламента.

Адзначым, на нядаўніх дэбатах у Еўрапарламенце яна звярнулася па-беларуску да палітвязняў з нашай краіны.

«Дарагія беларускія сябры, мы памятаем пра вас. І заўсёды будзем змагацца за вашую свабоду», - сказала па-беларуску Малгажата Гасеўская.