Расею атакавалі больш за сотню дронаў

• 3.10.2024, 8:40

Выбухі прагрымелі адразу ў некалькіх абласцях.

У Расеі заявілі пра новы масаваны напад адразу некалькіх абласцей украінскімі дронамі, перадае УНІАН.

Улады РФ традыцыйна зрабілі справаздачу аб збіцці БПЛА ноччу 3 кастрычніка. У Мінабароны РФ заявілі, што расейскія сродкі СПА «перахапілі і знішчылі» 113 украінскіх дронаў учатырох абласцях: 73 БПЛА – над тэрыторыяй Белгарадскай, 25 – над Варонежскай, 14 – над Курскай і адзін – над Бранскай.

Губернатар Белгарадскай вобласці Гладкоў паведаміў, што адзін з дронаў даляцеў да горада Стары Аскол, ёсць разбурэнні.

Аб нападзе дронамі асобна паведамілі губернатары Бранскай і Курскай абласцей.

У расейскіх пабліках была інфармацыя аб пралёце дронаў у яшчэ адной вобласці РФ - Арлоўскай.