Украіна атрымае ад ЗША 2000 пазадарожнікаў Humvee

• 29.10.2024, 19:05

Ва УСУ ўжо ёсць досвед ужывання іх на вайне.

Злучаныя Штаты Амерыкі ў рамках аднаго з пакетаў дапамогі перададуць Украіне 2000 пазадарожнікаў Humvee. Ва УСУ ўжо ёсць досвед ужывання іх на вайне.

Пра гэта паведамляе Forbes.

Такая колькасць пазадарожнікаў Humvee з'яўляецца вельмі вялікай пастаўкай такой тэхнікі. Сярод іншага, яны дапамогуць запоўніць праломы ў пазіцыях Украіны на фронце. А УСУ змогуць больш эфектыўна прасоўвацца да пазіцый расейскіх акупантаў.

Варта заўважыць, што гэтыя пазадарожнікі падобныя да цывільных аўтамабіляў, таму гэта палягчае неабходнасць вялікай падрыхтоўкі перад адпраўкай на фронт.

Паводле звестак Forbes, Humvee выдатна ўпісваецца ў цяперашнюю абаронную стратэгію Украіны. Бо іх можна выкарыстоўваць у гарадскіх умовах, дзе танкі і артылерыя менш эфектыўныя, чым кампактныя і манеўраныя пазадарожнікі.

Таксама ўкраінскія вайскоўцы могуць выкарыстоўваць Humvee для перавозкі цяжкага ўзбраення. Або ўсталёўваць на іх кулямёты ды іншую зброю. Сярод іншага, некаторыя ўкраінскія падраздзяленні ўжо трансфармавалі іх у мабільныя платформы абслугоўвання, дзякуючы чаму можна праводзіць рамонт бронятэхнікі на хаду ў палявых умовах.

Акрамя таго, украінскія вайскоўцы выкарыстоўвалі Humvee і ў якасці мабільных платформаў СПА, усталёўваючы на іх зенітныя гарматы і сістэмы барацьбы з беспілотнікамі.