Пратэстоўцы ў Тбілісі жорстка сустрэлі прэм'ера Вугоршчыны Орбана

• 29.10.2024, 9:28

Відэафакт.

Прыхільнікі апазіцыі асвісталі прэм'ер-міністра Вугоршчыны Віктара Орбана, які прыбыў з афіцыйным візітам у Грузію. Пра гэта паведамляе «Рэха Каўказа».

Паводле яго звестак, інцыдэнт адбыўся каля гатэля «Тбілісі Марыёт», які знаходзіцца на праспекце Руставелі, дзе праходзіць мітынг супраць вынікаў скандальных парламенцкіх выбараў.

Орбан выйшаў з гатэля, накіроўваўся да аўтамабіля, калі на яго адрас пачалі раздавацца свіст і нецэнзурныя словы.

Пазней картэж вугорскага прэм'ера ў суправаджэнні аховы пакінуў тэрыторыю.