Сырскі наведаў Запарожскую вобласць
- 28.10.2024, 21:23
Галаўкам УСУ загадаў перакінуць дадатковую зброю і тэхніку.
Падраздзяленням Сілаў абароны, якія ўдзельнічаюць у абароннай аперацыі ў Запарожскай вобласці, перакінуць дадатковае ўзбраенне і тэхніку. Пра гэта паведаміў галоўны камандзір Узброеных сілаў Украіны Аляксандр Сырскі.
Галаўкам заявіў, што на Запарожскім кірунку прадаўжаюцца баявыя дзеянні рознай інтэнсіўнасці. Вораг ужывае штурмавую і бамбавальную авіяцыю, беспілотнікі ўсіх тыпаў у спалучэнні з агнём артылерыі і мінамётаў.
«У такіх умовах наша галоўная задача – узмацніць абарону войскаў на самых складаных адрэзках фронту і забяспечыць максімальную ўстойлівасць лініі абароны», – падкрэсліў Сырскі.
Таксама галоўны камандзір сустрэўся з камандзірамі брыгадаў, падрабязна прааналізаваўшы сітуацыю ў раёнах баявых дзеянняў, стан забеспячэння падраздзяленняў боепрыпасамі, дронамі і сродкамі радыёэлектроннай барацьбы.
«Асаблівая ўвага была аддадзена падрыхтоўцы да абаронных дзеянняў у восеньска-зімовы перыяд. Былі ўжытыя захады для забеспячэння падраздзяленняў дадатковай колькасцю ўзбраення, тэхнікі і ўсяго неабходнага», – адзначыў Сырскі.