У Беларусі абвешчаны жоўты ўзровень небяспекі

• 28.10.2024, 9:18

Праз туман.

Сіноптыкі абвясцілі ў краіне жоўты ўзровень небяспекі ў сувязі з туманам, які чакаецца.

«Уначы і раніцай 28 кастрычніка (панядзелак) месцамі па краіне чакаецца туман», - паведамілі ў Белгідрамеце.

Як удакладняецца, туман чакаецца ў Гомельскай вобласці і Менску.

Пры гэтым на тэрыторыі ўсёй краіны будзе пахмурна з праясненнямі і без істотных ападкаў. Толькі ў Віцебскай вобласці магчымы кароткачасовы дождж з імавернасцю 35-40 адсоткаў.

Тэмпература ноччу ад +5 у Віцебску да +10 у Гародні. Удзень - ад +10 у Гародні і Віцебску да +15 у Гомелі.