Сербія абвясціла, што дапаможа Украіне
- 28.10.2024, 9:05
Бялград ужо выдаткаваў грошы.
Сербія выдасць Украіне абсталяванне больш як на 8 мільёнаў еўраў. Сярод дапамогі будуць генератары і трансфарматары.
Пра гэта заявіў прэзідэнт Сербіі Аляксандр Вучыч, паведамляе Prva TV.
У інтэрв'ю прэзідэнт Сербіі расказаў, што яго краіна выдала больш за 8 мільёнаў еўраў ў дапамогу Украіне.
«Для Украіны мы сабралі генератараў і трансфарматараў на 8,4 млн. еўраў», - сказаў ён.
Перадасць гэтую дапамогу, паводле слоў прэзідэнта, новы амбасадар Сэрбіі ва Украіне.