Навукоўцы фіксуюць дзіўныя сігналы з цэнтра Млечнага Шляху

• 27.10.2024, 21:45

Астраномы мяркуюць, што яны могуць быць спробамі перадачы пэўнай інфармацыі.

Навукоўцы, якія шукаюць прыкметы іншапланетнага розуму, надумалі звярнуць увагу на цэнтр Млечнага Шляху. Менавіта адтуль прыходзяць паўтаральныя сігналы і, магчыма, прадстаўнікі пазаземнай цывілізацыі хочуць звярнуць на сябе ўвагу. Пра гэта паведамляе партал Live Science.

Навукоўцы з Конэлскага ўніверсітэта ў ЗША плануюць шукаць магчымыя прыкметы пазаземнага разумнага жыцця, уважліва вывучаючы радыёсігналы з цэнтра нашай галактыкі. Асаблівую ўвагу яны аддаюць вузкачастотным сігналам, якія выпраменьваюць пульсары, паколькі такія сігналы добра вылучаюцца на фоне агульнага радыёшуму. Гэты метад можа стаць эфектыўным спосабам камунікацыі на вялікіх адлегласцях у космасе, падобна да выкарыстання радараў людзьмі.

Даследнікі распрацавалі спецыялізаванае праграмнае забеспячэнне для аналізу радыёсігналаў. Для праверкі яго эфектыўнасці яны пратэставалі яго на вядомых пульсарах, каб пацвердзіць іх выяўленне. Гэтыя сігналы маюць вельмі вузкія дыяпазоны частотаў, якія складаюць прыкладна адну дзясятую шырыні частотаў FM-радыёстанцый.

Навукоўцы мяркуюць, што праслухоўванне радыёсігналаў дапаможа выявіць іх магчымае штучнае паходжанне. Такім чынам, тэарэтычна можна выявіць пазаземную разумную цывілізацыю ў нашай галактыцы, магчыма, нават не абмяжоўваючыся адной.

Цэнтр Млечнага Шляху характарызуецца велізарнай канцэнтрацыяй зорак, вакол некаторых з якіх могуць абарочвацца патэнцыйна населеныя планеты. Навукоўцы мяркуюць, што калі іншапланетнікі хочуць звязацца з іншымі разумнымі відамі, яны могуць пасылаць спецыяльныя сігналы па ўсёй галактыцы.