Названы напой, які ачысціць печань і верне бляск скуры

• 27.10.2024, 19:07

Эфект будзе заўважны ўжо праз тыдзень.

Экспертка ў здароўі Джэніфер Тэмпл расказала пра гарбату, якая спрыяе дэтаксікацыі печані і вяртае скуры здаровы бляск. Паводле словаў Тэмпл, настой з растаропшы плямістай, які гатуецца са здробненых сцёблаў і зерняў гэтай расліны, дапамагае палепшыць стан арганізма ўсяго за тыдзень рэгулярнага ўжывання.

Пра гэта паведаміла выданне «Daily Mirror».

Тэмпл, сертыфікаваная спецыялістка ў аюрведзе і ўладальніца кампаніі Purely Ayurveda, рэкамендуе піць адзін кубак настою на дзень. Яна патлумачыла, што адвар робіць мяккае ачышчальнае дзеянне на печань, спрыяе зніжэнню ўзроўню таксінаў у арганізме і зараджае энэргіяй.

Растаропша плямістая, паводле словаў эксперткі, з'яўляецца найлепшым выбарам для дэтаксікацыі. Каб прыгатаваць гарбату, трэба перамалоць насенне і сцёблы расліны, а потым заліць кіпенем у суадносінах 1:1. Напой варта настойваць блізу 10 хвілінаў перад ужываннем.

«Рэгулярнае ўжыванне такой гарбаты не толькі дапаможа ачысціць печань, але і зробіць скуру больш зіхатлівай і здаровай усяго за тыдзень», – адзначыла Тэмпл, падкрэсліўшы, што гэта лёгкі спосаб правесці міні-дэтаксікацыю ў хатніх умовах.