УСУ знішчылі вялікую калону танкаў і БМП акупантаў
- 27.10.2024, 16:32
Пашкоджана блізу дваццаці адзінак варожай тэхнікі.
Байцы Узброеных сіл Украіны знішчылі вялікую штурмавую бранятанкавую калону расейскіх захопнікаў на Урэмеўскім выступе, на захад ад Вугледара ў Данецкай вобласці.
Пасля своечасовага выяўлення калоны, якая складаецца з некалькіх дзясяткаў танкаў (у тым ліку з проціміннымі траламі), баявых машын пяхоты і бронетранспарцёраў, украінскім аператарам дронаў-камікадзэ і артылерыстам удалося знішчыць блізу дваццаці адзінак варожай тэхнікі.
«Колькасць знішчанай пяхоты цяжка падлічыць», - пра гэта на афіцыйнай старонцы ў сацыяльнай сетцы «Фэйсбук» паведаміла служба сувязяў з грамадскасцю асобнай прэзідэнцкай брыгады Узброеных сіл Украіны імя гетмана Багдана Хмяльніцкага.