Яшчэ дзве апазіцыйныя партыі ў Грузіі не прызнавалі вынікі выбараў
- 27.10.2024, 15:25
І заклікалі да «разумных пратэстаў».
Апазіцыйная партыя «Гахарыя - за Грузію» і кааліцыя «Лела» не прызналі вынікі парламенцкіх выбараў у Грузіі. Апазіцыянеры заклікалі да «разумных пратэстаў».
Пра гэта паведамляе «Рэха Каўказа».
«Факт, пра які можна адназначна сказаць - Іванішвілі здушыў свабоду грамадзян Грузіі. І тыя апублікаваныя выбары, тыя вынікі, якія не адлюстроўваюць свабоды грузінскага народа. На жаль, гэта не адбылося ўчора і не адбылося за адзін дзень», - заявіў былы прэм'ер і кіраўнік партыі «Гахарыя - за Грузію» Георгій Гахарыя.
З яго слоў, сістэмны характар мелі застрашванне выбарцаў, подкуп, маніпуляцыі з пасведчаннямі асобы, ціск і застрашванне дзяржаўных службоўцаў і сацыяльна неабароненых асоб.
Гахарыя заклікаў да «разумных формаў пратэсту», якія будуць накіраваныя на абарону выбару грузінаў.
Лідар партыі «Лела» і кааліцыі «Моцная Грузія» Мамука Хазарадзэ таксама заявіў, што адмаўляецца прызнаваць вынікі выбараў.
«Выбары татальна сфальсіфікаваныя. Яны прысвоілі галасы людзей і рыхтуюць краіну для Расеі. Не атрымаецца! З гэтай фальсіфікацыяй я не пагаджуся і не магу пагадзіцца...ніколі», - заявіў апазіцыянер.
Раней апазіцыйныя «Кааліцыя за перамены», «Адзінства - Нацыянальны рух» і «Моцная Грузія» заявілі, што не прызнаюць вынікаў выбараў. Частка апазіцыянераў анансавала правядзенне акцый пратэсту.