Ацалелыя марскія пяхотнікі 155-й брыгады РФ здаліся ў палон УСУ ў Курскай вобласці
- 27.10.2024, 13:07
Відэафакт.
Байцы выведвальнага падраздзялення 95-й асобнай дэсантна-штурмавой Палескай брыгады ДШВ УС Украіны знішчылі ў баі, які адбыўся на тэрыторыі Курскай вобласці, штурмавую групу 155-й асобнай брыгады марской пяхоты ціхаакіянскага флоту РФ.
Аб гэтым камандаванне Дэсантна-штурмавых войск Узброеных сіл Украіны паведаміла ў сацсетцы, апублікаваўшы адпаведнае відэа, падае Цензор.НЕТ.
«Толькі ў дваіх расейцаў ёсць мазгі - яны захацелі выратаваць сваё жыццё і здаліся ў палон. Ім адразу надалі медыцынскую дапамогу. Толькі тыя, хто добраахвотна здаўся, захавалі жыццё, астатніх акупантаў перамалолі ў баі дэсантнікі!», - дадалі ў публікацыі.