Лукашэнку чакае жорсткі дэтокс

• Тэлеграм-канал «День опричника»
• 27.10.2024, 19:17

Дыктатар ашалеў.

Пусцілі казла ў агарод. Лукашэнка, які яшчэ больш ізаляваны ад міжнароднай палітыкі, чым Пуцін, ашалеў ад стасункаў з такой колькасцю лідараў розных краін на саміце і пачаў выдаваць базу: руляць у БРІКС Кітай і Індыя, а Расея так, на пабягушках у дарэмнай спробе выбіць сабе выгадныя кантракты (Нарэндра Модзі, мабыць, расчараваўся ў саміце, вось і з'ехаў да яго заканчэння).

Мала таго, Лукашэнка на сваю галаву ў інтэрв'ю ВПС раскрытыкаваў саму ідэю перакідвання пяхоты КНДР у дапамогу Расеі, сказаўшы, што «гэта прывядзе да эскалацыі», дасць падставу NATO размясціць свае войскі ва Украіне і ўвогуле «не ў характары Пуціна прасіць аб такім чужыя краіны».

Чуем, Лукашэнку чакае «жорсткі дзетакс» ад празмернай самастойнасці пасля ад'езду гасцей з Казані.

Тэлеграм-канал «День опричника»