Уладальнік аднаго з самых агрэсіўных Z-каналаў разбіўся пад Смаленскам

• 27.10.2024, 18:43

Лекары рыхтуюць яго да адпраўкі ў Маскву.

Уладальнік канала «Readovka» Аляксей Кастылёў трапіў у жорсткае ДТЗ у Смаленскай вобласці. Паводле папярэдняй інфармацыі, яго рыхтуюцца перавозіць у Маскву бортам санавіацыі, піша «База».

Паводле «Базы», Кастылёў разбіўся на квадрацыкле - яго выкінула з квадрацыкла ў выніку аварыі.

Уладальніка выдання «Readovka» даставілі ў абласную лякарню без прытомнасці. Кастылёву правялі аперацыю. Лекары рыхтуюць яго да адпраўкі ў Маскву.