Украінскія беспілотнікі масавана атакавалі сем рэгіёнаў Расеі

• 27.10.2024, 12:08

Пашкоджаная не толькі «Транснафта-Дружба» ў Тамбоўскай вобласці.

У ноч на 27 кастрычніка сем расейскіх рэгіёнаў зазналі напад украінскіх дронаў, піша The Moscow Times.

Мінабароны РФ дало справаздачу аб знішчэнні 51 беспілотніка.

«18 БпЛА перахопленыя над тэрыторыяй Тамбоўскай вобласці, 16 БпЛА збітыя над тэрыторыяй Белгародскай вобласці. Па чатыры БПЛА знішчана над тэрыторыямі Бранскай, Ліпецкай і Арлоўскай абласцей. Тры БПЛА знішчаныя над тэрыторыяй Варонежскай вобласці, і адзін БПЛА збіты над Курскай вобласцю», - гаворыцца ў паведамленні.

Акрамя таго, яшчэ адзін апарат быў знішчаны над акваторыяй Азоўскага мора.

Губернатар Белгародскай вобласці Вячаслаў Гладкоў паведаміў, што ў выніку ўдару беспілотнікаў раненне атрымала жанчына, пашкоджаныя два аўтамабілі і гараж.

Са слоў губернатара Тамбоўскай вобласці Максіма Ягорава, у выніку нападу дронаў у Мічурынскай муніцыпальнай акрузе адбылося ўзгаранне. Як удакладняе ASTRA, пажар узнік на дыспетчарскай станцыі «Транснафта-Дружба» ў сяле Нованікольскім, там жа размешчаны нафтаперапрацоўчы завод.

У мінулы аўторак украінскія беспілотнікі атакавалі тры спіртзаводы ў двух расейскіх рэгіёнах. Са слоў губернатара Тульскай вобласці Дзмітрыя Міляева, дроны атакавалі памяшканні Яфрэмаўскага спіртзавода і спіртзавода ў пасёлку Лужкоўскім Сувораўскага раёна.

Яшчэ адзін завод, які займаецца перапрацоўкай цукразмяшчальнай сыравіны ў розныя тыпы спіртоў, украінскі робат атакаваў у горадзе Расказаве Тамбоўскай вобласці.