ЦВК Грузіі сцвярджае, што перамагае прарасейская партыя

• 26.10.2024, 21:25

Незалежны экзітпол кажа пра адваротнае.

ЦВК Грузіі абнародаваў папярэднія вынікі выбараў у парламент. Прыход, паводле папярэдніх звестак, амаль 60%.

Пра гэта паведамляе сайт Цэнтрвыбаркама Грузіі.

Паводле вынікаў апрацоўкі 68,69% бюлетэняў «Грузінская мара» набірае 52,94% галасоў, вынікае са звестак на сайце ЦВК.

Па гэтых дадзеных:

на другім месцы "Кааліцыя за змены" з 11,19%,

"Адзінства - Нацыянальнае" - на трэцім месцы з 9,79% галасоў.

"Моцная Грузія" 9,05%,

партыі Гахарыя "За Грузію" - 8,26%.

Прыход, паводле папярэдніх звестак, 58,94%, прагаласавалі 2060412 чалавек. У ЦВК пакуль няма звестак па прыходу з пяці акруг, у горных раёнах і па галасаванні на частцы ўчасткаў за мяжой.

Адзначым, экзітпол кампаніі Edison Research прагназуе апазіцыі сукупна больш за 50% на парламенцкіх выбарах у Грузіі.

Згодна з ім, апазіцыйныя сілы сукупна атрымліваюць 51,9% галасоў, тады як кіруючая партыя "Грузінская мара" - 40,9%.