У расейскай Разані гарыць НПЗ
- 26.10.2024, 20:21
Пажар пачаўся пасля паветранай трывогі.
Увечары ў суботу, 26 кастрычніка, у расейскай Разані пасля паветранай трывогі загарэўся нафтаперапрацоўчы завод.
Аб пажары на НПЗ паведамілі расейскія паблікі, апублікаваўшы фота і відэа.
Разанскія ўлады зняпраўдзілі, што пажар, які патрапіў на відэа - вынік «прылёту». Акрамя таго, заяўляецца, што паветраная трывога ў горадзе была навучальнай:
«З 17:00 да 18:00 у Маскоўскім раёне абласнога цэнтра праводзілася адпрацоўка навучальнай паветранай трывогі з выкарыстаннем сірэны. Здарэнняў няма».