Польшча затрымала банду, якая рассылала пасылкі з выбухоўкай

• 26.10.2024, 17:35

Яшчэ двое меркаваных удзельнікаў групы абвешчаны ў вышук.

Польская пракуратура паведаміла аб затрыманні чатырох чалавек у сувязі з тым, што яны падазраюцца ў адпраўцы паштовых пасылак з узрыўчаткай і іншымі небяспечнымі матэрыяламі. Яшчэ двое меркаваных удзельнікаў групы абвешчыныя ў вышук.

«Мазавецкае аддзяленне Упраўлення барацьбы з арганізаванай злачыннасцю і карупцыяй Нацыянальнай пракуратуры ў Варшаве сумесна з Агенцтвам унутранай бяспекі… праводзіць расследаванне ўдзелу ў дзейнасці знешняй разведкі ў Польшчы і іншых дзяржавах-сябраў Еўрапейскага Звязу шляхам учынення дыверсій, якія заключаюцца ў нанясенні шкоды. Інфраструктуры ў выглядзе аэрапортаў, самалётаў і транспартных сродкаў, і распальванне пажараў з выкарыстаннем пасылак кур'ерскіх транспартных сродкаў з самазагараннем (пункт 7 артыкула 130 Крымінальнага кодэкса)», - паведамілі ў пракуратуры.

У ведамстве не выключаюць, што ў крымінальнай дзейнасці магла быць задзейнічаная большая колькасць людзей. Іх выяўленне вядзецца сумесна з сілавымі структурамі краін ЕЗ.