Ізраіль нанёс удар па расейскай устаноўцы С-300 у Іране

• 26.10.2024, 15:42

З’явіліся спадарожнікавыя здымкі.

У пятніцу, 26 кастрычніка, Ізраіль нанёс удар па вайсковых аб'ектах Ірана, у выніку чаго загінулі двое іранскіх вайскоўцаў. Спадарожнікавыя здымкі наступстваў удараў апублікаваў праект Mintel World.

«Пасля вывучэння першых запісаў з Ірана было вызначана, што ізраільскія сілы атакавалі ЗРК С-300 на поўдзень ад Тэгерана», – гаворыцца ў заяве.

Паводле звестак Sky News, прадстаўнік Белага дому заявіў, што Ізраіль дзейнічаў на рэкамендацыю ЗША.

Крыніца выдання адзначыла, што гэтая атака павінна стаць заканчэннем абмену агнём паміж Ізраілем і Іранам, аднак ЗША гатовыя цалкам падтрымаць Ізраіль у выпадку, калі Іран надумае адказаць.