СМІ: Пуцін рыхтуе Украіне новы ўльтыматум

• 26.10.2024, 14:57

Будуць два варыянты.

Пасля выбараў прэзідэнта ЗША, якія адбудуцца ўжо 5 лістапада, дыктатар РФ Уладзімір Пуцін можа паспрабаваць вылучыць Кіеву новы ўльтыматум. Гэтая тэма актыўна абмяркоўваецца ў Крамлі.

Такой інфармацыяй 26 кастрычніка падзяліўся ўплывовы расейскі Telegram-канал «Тайная канцылярыя», спасылаючыся на інфармаваныя крыніцы.

Пацверджання інфармацыі на гэты момант няма, паведамляе «Дыялог.UA».

«У Крамлі абмяркоўваюць фармат і дату публікацыі новага ўльтыматуму Украіне для пачатку перамоўнага працэсу і абмеркавання дэталёвых пунктаў мірнага трэка з Захадам», – паведаміў рэсурс.

Ён сцвярджае, што ёсць два варыянты ўльтыматуму, адзін з якіх рыхтуецца на выпадак перавыбрання рэспубліканца Дональда Трампа, а другі – на прыход да ўлады дэмакратыкі Камалы Гарыс.

Як паведамляецца, Трампу прапануюць «мяккі варыянт» ультыматуму, а Гарыс – жорсткі.

Так, Пуцін нібыта будзе патрабаваць аддаць яму 4 вобласці Украіны, знішчыць УСУ, стварыць «санітарную зону» 200 км і іншае.

Рэсурс сцвярджае, што пагроза выкарыстання войскаў КНДР у цяперашняй вайне – гэта павышэнне Крамлём ставак перад ультыматумам. Ён нібыта таксама можа згуляць «прыднястроўскай картай».