Пуцін назваў налёты дронаў на Расею дабром
- 26.10.2024, 13:39
«Раней было горш».
Расейскі дыктатар Уладзімір Пуцін вызначыўся нечаканай заявай пра так званую СВА. Ён заявіў, што да налётаў украінскіх дронаў РФ нібыта жыла «значна горш».
Скандальную заяву ён зрабіў у інтэрв'ю сваім прапагандыстам, паведамляе «Дыялог.UA».
Падчас інтэрв'ю «журналіст» адзначыў, што да пачатку вайны супраць Украіны расейскія гарады і вёскі не цярпелі ад удараў і налётаў беспілотнікаў.
«Дронаў не было… Так, гэтага не было, але была значна горшая сітуацыя», – заявіў дыктатар РФ.
Ён удакладніў, што мае на ўвазе пад гэтай «значна горшай сітуацыяй». Паводле версіі дыктатара, Захад нібыта «паказваў РФ на сваё месца», а краіна «скочвалася ў разрад другарадных дзяржаваў, якія выконваюць функцыю сыравінных прыдаткаў са стратай суверэнітэту».