Краіны-суседкі Беларусі пераходзяць на зімовы час

• 26.10.2024, 10:16

Розніца з Польшчай і іншымі краінамі ЕЗ павялічыцца да дзвюх гадзінаў.

Сёння ноччу краіны Еўразвязу і Украіна пяройдуць на зімовы час. Стрэлкі будуць пераведзеныя на гадзіну назад у ноч з 26 на 27 кастрычніка.

Беларусь скасавала сезонны перавод часу ў 2011 годзе.

Такім чынам, з нядзелі ў Літве, Латвіі і Украіне будзе на гадзіну менш, чым у нашай краіне, а розніца з Польшчай і іншымі краінамі ЕЗ, якія выкарыстоўваюць сярэднееўрапейскі час, павялічыцца да 2 гадзінаў. Такая розніца захаваецца да канца сакавіка.