Кітайскія хакеры атакавалі тэлефоны працаўнікоў штабу Гарыс

• 26.10.2024, 10:00

Падрабязнасці.

Кітайскія хакеры ўзламалі сістэму найбуйнейшай тэлекамунікацыйнай кампаніі ЗША Verizon і атакавалі мабільныя тэлефоны людзей са штабу кандыдаткі ў прэзідэнты ад Дэмакратычнай партыі Камалы Гарыс, паведамляе Reuters са спасылкай на крыніцы.

Згодна з паведамленнямі СМІ, хакерскія атакі таксама маглі быць накіраваныя і супраць кандыдата ў прэзідэнты ад Рэспубліканскай партыі Дональда Трампа і ягонага паплечніка Джэй Ды Вэнса, аднак Reuters не змагло пацвердзіць гэтую інфармацыю.

Дырэктар у камунікацыях штабу Стывен Чунг сцвярджае, што Гарыс «заахвоціла» Кітай і Іран атакаваць амерыканскую інфраструктуру, каб прадухіліць вяртанне Трампа ў Белы дом.

ФБР і Агенцтва ў кібербяспецы і бяспецы інфраструктуры ЗША заявілі, што расследуюць несанкцыянаваны доступ да камерцыйнай тэлекамунікацыйнай інфраструктуры з боку асобаў, звязаных з Кітаем. У супольнай заяве ўстановаў не называюцца мэты інцыдэнту.

У той самы час кампанія Verizon адзначыла, што ёй вядома пра спробу атакаваць амерыканскія тэлекамунікацыйныя кампаніі для атрымання выведнай інфармацыі. Кампанія дадала, што супрацоўнічае з праваахоўнымі органамі.