У Беларусі падаражэюць цыгарэты

• 25.10.2024, 19:54

З 1 лістапада.

Міністэрства падаткаў і збораў паведаміла аб новых максімальных коштах цыгарэт з фільтрам, якія дзейнічаюць у Беларусі з 1 лістапада.

Так, кошт пачка цыгарэт Pall Mall Superslims Azure, якія выпускаюцца ААТ «Гарадзенская тытунёвая фабрыка «Нёман» і ТАА «Сентоні ПРА», павялічыцца на 20 капеек.

Прадукцыя ТАА «Тытунь-інвест» падаражэе наступным чынам: на 20 капеек – Pall Mall Superslims Azure, на 10 капеек – 4 маркі Camel (Blue, Yellow, Compact і Compact Blue), Richmond Compact Special Blue і Sobranie Caster.

Кошт завозных дзяржаўным прадпрыемствам «Беларусьгандаль» цыгарэт Dunhill Fine Cut Blue і Dunhill Fine Cut Gold павялічыцца на 20 капеек.

Цыгарэты Camel (Blue, Yellow, Compact і Compact Blue), Richmond Compact Special Blue і Sobranie Caster, якія пастаўляюцца ТАА «Сентоні ПРА», падаражэюць на 10 капеек.

Сярод новых найменняў прадстаўленыя цыгарэты Pall Mall Nano Aroma Ruby ад ЗТАА «АЛІДЗІ-Вэст» коштам 6 рублёў за пачак і завозныя «Беларусьгандлем» Esse Silver Nano, Esse Exchange S, Esse Exchange Brown і Esse Exchange Summer Red па 6,90 рубля за пачак.