Беларусы ўсё радзей набываюць гарэлку ў крамах

• 25.10.2024, 19:14

На што пераходзяць.

У Беларусі скараціліся продажы гарэлкі, а таксама некаторых іншых тыпаў алкагольных напояў.

Пра гэта сведчаць звесткі Белстата, прадстаўленыя за перыяд са студзеня да верасня 2024 года.

Паводле інфармацыі ведамства, у студзені - верасні 2023-га гандлёвыя арганізацыі (выключаючы мікраарганізацыі) прадалі 5,9351 млн дал гарэлкі (у 1 дал змяшчаецца 10 л).

Пры гэтым за аналагічны перыяд гэтага года - 5,6895 млн дал. Такім чынам, аб'ёмы рэалізацыі гарэлкі знізіліся на 4,1%.

Попыт на вінаградныя віны са студзеня да верасня 2024 года ў параўнанні з аналагічным перыядам 2023-га таксама асеў з 2,6173 млн да 2,4782 млн дал, ці на 5,3%.

Менш выпілі нашы людзі і пладовых вінаў: было 2,816 млн дал, а стала 2,618 млн дал, гэта значыць, мінус 7,0%.

Але не ўсё так адназначна. Для некаторых катэгорый спіртнога ў краіне назіраецца рост продажу.

У студзені - верасні 2024 года ў параўнанні з тым жа перыядам 2023-га рэалізацыя слабаалкагольных напояў павялічылася на 13,7%.

Продажы каньяку, каньячных напояў, брэндзі ўзраслі на 6,9%, лікёраў і лікёра-гарэлачных вырабаў - на 5,5%, прырост продажу пеністых він, уключаючы шампанскае, склаў 5,1%. Продажы піва дадалі 0,5%.