У Докшыцах будуць судзіць жонку мясцовага дэпутата

• 25.10.2024, 16:02

За «экстрэмізм».

У Докшыцах за "экстрэмізм" будуць судзіць жонку мясцовага "дэпутата", які раней займаў пасаду намесніка старшыні раённага выканкама. На наступным тыдні ў аўторак у судзе Докшыцкага раёна паводле абвінавачання ў парушэнні ч.2 арт.19.11 КоАП выклікана Мая Шнітко.

Паводле інфармацыі рэсурсу, на гэты момант яна з'яўляецца галоўнай бухгалтаркай філіі «Докшыцыводаканал» УП «Віцебскаблводаканал».

Прадпрыемства ўзначальвае ейны муж Андрэй Шнітко — дзейны «дэпутат» Докшыцкага раённага «савета». З 2010 да 2015 года ён быў намеснікам старшыні Докшыцкага раённага выканкама.