Чэргі на мяжы з Польшчай зноў значна выраслі

• 25.10.2024, 11:43

Час чакання - 38 гадзін.

З пачатку тыдня чарга легкавых аўто на мяжы з Польшчай вырасла ў паўтара раза, паведамляюць беларускія памежнікі.

На 10:00 перад польскім пунктам пропуску Тэрэспаль (Берасце) зафіксавана больш за 760 легкавых аўтамабіляў. Таксама ўезду ў Польшчу чакаюць 15 аўтобусаў, піша ДПК.

Са звестак «Еўрарадыё», час чакання на аўтамабілі перавышае 1,5 дня. Раніцай 25 кастрычніка ў Польшчу ўязджаюць аўто, якія сталі ў чаргу ўвечар 23 кастрычніка.