У Менску актывізаваліся «навагоднія» ашуканцы

• 24.10.2024, 19:39

Яны спрабуюць «прадаць» галоўны атрыбут свята - ялінкі.

У беларускай сталіцы актывізаваліся «навагоднія» ашуканцы.

Яны спрабуюць «прадаць» галоўны атрыбут свята - ялінкі.

Ахвярамі аферыстаў ужо сталі дзве мянчанкі, паведаміў Следчы камітэт (СК).

«Абедзве наткнуліся ў Instagram на адну і тую ж старонку, дзе рэкламаваліся прыгожыя ёлкі. Звязаўшыся з пастаўшчыком, кліенткі прыемна здзівіліся добраму сэрвісу», - адзначылі ў СК.

Там удакладнілі, што фірма нібыта абяцала даставіць куплю на дом, ды і яшчэ цягам некалькіх дзён:

«Уладальнік» малога «бізнэсу адразу агучыў дэталі ўгоды: трэба ўнесці 100%-ю папярэднюю аплату».

Мянчанкі так і зрабілі.

«У дзень чакання дастаўкі прадавец крамы перастаў адказваць на паведамленні, акрамя таго, ён выдаліў размешчаныя допісы з аб'явай», - дадалі ў СК, адзначыўшы, што «жаданне набыць штучныя ялінкі каштавала жыхаркам сталіцы больш чым Br1000».

Па выніку распачатая крымінальная справа на падставе ч.1 арт.209 (махлярства) КК Беларусі. Праводзяцца аператыўныя і следчыя дзеянні, пошук злачынцаў працягваецца.