Міністэрства юстыцыі ЗША папярэдзіла Маска

• 24.10.2024, 16:39

Праз ідэю выплачваць выбаршчыкам па мільёне даляраў.

У чацвер, 24 кастрычніка, Міністэрства юстыцыі ЗША папярэдзіўла камітэт America PAC Ілана Маска аб тым, што латарэя для зарэгістраваных выбаршчыкаў у "ключавых" штатах, пераможцам якой выплачваецца па 1 млн даляраў, можа парушаць федэральны закон.

Пра гэта паведамляе CNN.

Паводле інфармацыі суразмоўцаў тэлеканала, адзін з аддзелаў Міністэрства юстыцыі, які расследуе патэнцыйныя парушэнні, ужо накіраваў ліст камітэту Маска.

Абяцанне Маска выплачваць грошы зарэгістраваным выбаршчыкам выклікала турботу сярод экспертаў у выбарчым заканадаўстве і некаторых службоўцаў, бо яна можа супярэчыць закону.

Сам федэральны закон у ЗША забараняе плаціць людзям грошы за рэгістрацыю для галасавання на выбарах.

20 кастрычніка Маск заявіў, што да прэзідэнцкіх выбараў штодзень будзе выплачваць па 1 мільёне даляраў выпадкова выбранаму выбаршчыку, які падпісаў петыцыю America PAC аб абавязанні падтрымліваць права на свабоду слова і права насіць зброю.