«Можам дайсці да моманту, калі стрымліванне коштаў не дапаможа»

• 24.10.2024, 12:43

Улады стануць перад дылемай.

Старшы навуковы супрацоўнік BEROC Анастасія Лузгіна ў каментары для «Салiдарнасцi» распавяла, якая дылема можа з'явіцца перад беларускімі ўладамі:

- Калі так будзе працягвацца, коштавы навес будзе нарастаць, што ў перспектыве ўзмацняе інфляцыйныя і дэвальвацыйныя рызыкі.

Калі прырост ВУП будуць спрабаваць павялічыць, узнікнуць сур'ёзныя рызыкі. Можам дайсці да моманту, калі стрымліванне коштаў не дапаможа, і яны пачнуць расці хутчэй, чым планавалася.

І тут трэба будзе выбіраць - альбо ўтрыманая інфляцыя ў раёне 5%, альбо прырост 4% ВУП. Не ведаю, што трэба зрабіць, каб гэтыя два паказчыкі былі дасягнуты разам нават з улікам жорсткага цэнавага рэгулявання.

Канешне, тут мы таксама павінны ўлічваць перадвыбарчую кампанію.