Універсам «Цэнтральны» ў Менску зноў выставілі на продаж

• 24.10.2024, 12:32

Цяпер цана ніжэйшая.

Універсам "Цэнтральны" выставілі на продаж на Realt. У 2018 годзе ўніверсам прадавалі амаль за 10 мільёнаў даляраў. Цяпер цана ніжэйшая.

У 2014 годзе ўніверсам "Цэнтральны" купіла кампанія "НП-Сэрвіс", якая займалася імпартам прадуктаў, а пазней развівала сетку "Дамашні". З-за фінансавых праблем у 2018 годзе "Цэнтральны" выставілі на продаж за 9,8 млн даляраў. Пакупніка тады не знайшлося. А ў 2021 годзе ў "Цэнтральным" адкрыўся супермаркет "Еўраопт".

І вось памяшканні "Цэнтральнага" зноў прадаюць. Гэта 4 паверхі агульнай плошчай 2813 м ². Таксама пакупніку дастанецца зямельны надзел плошчай 0, 3094 га з правам часовага карыстання.

Цяпер "Цэнтральны" выстаўляюць за 6,74 мільёна даляраў.