«Зробім Расею малой зноў»: Зяленскі давёў да істэрыкі Захараву
- 24.10.2024, 10:04
МЗС РФ закрануў за жывое надпіс на футболцы прэзідэнта Украіны.
Увечары, 23 кастрычніка, прэзідэнт Украіны Уладзімір Зяленскі выйшаў у сацсетках з новым відэазваротам аб выніках 973-га дня вайны. Яго ўбор парадаваў украінцаў і давёў да істэрыкі прапагандыстаў і афіцыйных асоб у Расеі.
Рэч утым, што Зяленскі быў адзеты ў футболку з надпісам "Make russia small again", што перакладаецца як "Зробім расею малой зноў". Вобраз прэзідэнта Украіны спадабаўся многім, на яго адрэагавалі нават у МЗС РФ.
«Маленькую, як што? СССР? Расейскую імперыю? О, я зразумела! Як Кіеўская Русь. Для гэтага нам патрэбны Кіеў. Ты сам гэта сказаў, (нецэнз.)», - адказала спікерка МЗС Марыя Захарава.
Прапагандысцкія каналы таксама не змаглі прайсці міма футболкі Зяленскага і пачалі масава абурацца, што надпіс на ёй не адпавядае рэчаіснасці, маўляў, РФ ніколі і не была маленькай. Відавочна, што ўкраінскі прэзідэнт закрануў расейцаў за жывое, за імперскія амбіцыі.