У Беларусі бацьку і сына з Украіны прысудзілі да 20 гадоў зняволення

• 23.10.2024, 17:16

Раней іх называлі «дыверсантамі СБУ».

Гомельскім абласным судом абвешчаны прысуд паводле справы грамадзян Украіны, бацькі і сына Сяргея і Паўла Кабарчукоў, паведамляюць дзяржСМІ.

Яны прысуджаныя да аднолькавага тэрміну пазбаўлення волі — 20 гадоў.

Працэс пачаўся 26 верасня, усе пасяджэнні праходзілі ў закрытым рэжыме.

Мужчын прызналі вінаватымі паводле чатырох артыкулаў Крымінальнага кодэкса: ч.3 арт.289 (акт тэрарызму), ч.4 арт.295 (незаконныя дзеянні з агнястрэльнай зброяй, боепрыпасамі і выбуховымі рэчывамі), ч.3 арт.3331 (незаконнае перамяшчэнне праз мытную граніцу Еўразійскага эканамічнага саюза або дзяржаўную граніцу Рэспублікі Беларусь моцнадзейных, атрутных рэчываў, радыеактыўных матэрыялаў, агнястрэльнай зброі, боепрыпасаў, выбуховых рэчываў, выбуховых прыстасаванняў, зброі масавага паражэння або сродкаў яго дастаўкі, а таксама іншых тыпаў вайсковай тэхнікі), 3581 (агентурная дзейнасць).

Таксама ім прызначаны штраф па 700 базавых адзінак (па 28.000 рублёў).