ВВС: Зяленскі рыхтуе ўнутраны план дзеянняў, які дапаможа Украіне выстаяць у вайне

• 23.10.2024, 11:08

Ён будзе прадстаўлены да канца года.

Прэзідэнт Украіны Уладзімір Зяленскі распрацоўвае новы ўнутраны план дзеянняў, накіраваны на ўзмацненне краіны падчас вайны з Расеяй. Зяленскі даручыў украінскім органам улады стварыць гэты план, які ахоплівае ключавыя кірункі, такія як абарона, ваенна-прамысловага комплексу, эканоміка і сацыяльная палітыка.

Мэта дакумента - забяспечыць адзінства і стабільнасць унутры краіны, незалежна ад вонкавых чыннікаў. Аб гэтым піша BBC-Украіна.

Гэты ўнутраны план не з'яўляецца альтэрнатывай "Плану перамогі" Зяленскага, прадстаўленаму заходнім партнёрам і закліканаму мабілізаваць міжнародную падтрымку Украіны ў вайне супраць Расеі. Новы дакумент факусуецца на кроках, якія павінна зрабіць сама Украіна. Ён будзе ўключаць шэраг мер, накіраваных на развіццё абаронных магчымасцяў, эканамічнага патэнцыялу і сацыяльнай стабільнасці.

Крыніцы ў камандзе прэзідэнта адзначаюць, што яго распрацоўка пачалася ўжо, і план будзе прадстаўлены ўкраінскаму грамадству да канца года.

"Мэта - зрабіць усё магчымае, каб захаваць адзінства і дабіцца вынікаў у розных сферах развіцця краіны", - растлумачыў субяседнік.