Экспэрт: Паўночныя карэйцы не ўзмоцняць войскі расейцаў з-за вельмі вялікай праблемы

• 22.10.2024, 14:36

Гэта будзе нейкае вартая жалю бязладдзе.

Ваенны экспэрт Павел Нарожны мяркуе, што фота нібыта раснйскага і паўночнакарэйскага сцягаў на Пакроўскім кірунку - гэта толькі псіхалагічны ціск на ўкраінцаў, а самі салдаты з КНДР не ўзмоцняць войскі РФ. Аб гэтым ён распавёў у эфіры Radio NV.

«Гэты сцяг на Пакроўскім кірунку, ён павінен усяляць жах у нашых байцоў? Гэта проста смешна. ...> Гэта выключна псіхалагічны ціск, не больш за», - пракаментаваў Нарожны.

У той жа час ён растлумачыў, што 12 тысяч байцоў з КНДР, якіх рыхтуюць для вайны - гэта не шмат, таму што ў цэлым групоўка ворага ва Украіне налічвае 500 тысяч вайскоўцаў.

«Паўночная Карэя не ваявала з 1954-га года, калі была вайна паміж Паўночнай і Паўднёвай Карэяй. Так, яны заўсёды рыхтаваліся да вайны, так, яны там падрыхтавалі арсенал, але досведу баявых дзеянняў у іх няма. Неяк разбавіць расейскае войска карэйцамі - гэта нерэальна, таму што вельмі вялікая праблема - моўны бар'ер. Два жаўнеры, калі адзін гаворыць на расейскай мове, другі - на карэйскай мове, не дамовяцца ў кожным выпадку», - распавёў экспэрт.

Тэарэтычна іх можна выкарыстоўваць для мясных штурмаў, даць нейкі адцінак фронту для нападу, але матывацыі гінуць у іх не будзе, упэўнены Нарожны. Акрамя таго, ён мяркуе, што і ўзровень падрыхтоўкі ў салдат КНДР будзе не высокі.

«Я ўпэўнены, што ўзровень матывацыі там будзе нізкім, вельмі нізкім будзе і ўзровень падрыхтоўкі гэтых байцоў. Праз некаторы час нехта з гэтых байцоў трапіць да нас у палон, яго змогуць дапытаць і апублікаваць гэта відэа, і я ўпэўнены, што гэта будзе нейкае вартае жалю бязладдзе. ...> Я не [думаю], што мы там убачым высокаматываваных спецназаўцаў, добра падрыхтаваных, і самае галоўнае — добра абсталяваных сучаснай электронікай».