У Беларусь ідзе моцны вецер

• 22.10.2024, 12:41

Аб'яўлены аранжавы ўзровень небяспекі.

Белгідрамет паведаміў, што ў сераду, 23 кастрычніка, па поўначы краіны чакаецца ўзмацненне ветру.

«Увага! Папярэджанне аб неспрыяльнай гідраметэаралагічнай з'яве! (аранжавы ўзровень небяспекі. Днём 23 кастрычніка (серада) па поўначы рэспублікі ў многіх раёнах чакаецца ўзмацненне паўночна-заходняга ветру парывамі 15-20 м/с", — гаворыцца ў паведамленні.

Таксама ўдакладняецца, што днём існуе верагоднасць ападкаў 5-10 працэнтаў, а ў Віцебску з верагоднасцю 80-90 працэнтаў пройдзе кароткачасовы дождж.