Беларуска шакаваная пакупкай у «Святлафоры»

• 22.10.2024, 11:17

Арэхі былі з "начынкай".

Жыхарка Берасця купіла ў краме "Святлафор" пакунак арэхаў, а дома выявіла, што ў іх ужо завяліся лічынкі. Пры гэтым выраблены яны былі ўсяго пару месяцаў таму, і тэрмін прыдатнасці яшчэ не мінуў. Відэа яна апублікавала ў TikTok. На ролік звярнула ўвагу выданне BGmedia.

“Сёння купілі ў „Святлафоры“ арэхавую сумесь. Каштавала яна 14 рублёў. Жнівень 2024 год. Верасень, кастрычнік. Два месяцы. Паглядзіце, што адбываецца. Мала таго, што тут смурод, тут ужо нехта зрабіў свой дамок”, - распавяла яна і заклікала астатніх быць асцярожнымі і не купляць.

Тым часам карыстальнік у каментарах прызналіся, што “такое сустракаецца ў шматлікіх крамах”. Праблема, хутчэй за ўсё, выклікана няправільным захоўваннем тавару.