Гарыс: Трамп здасца
- 22.10.2024, 10:39
Кандыдатка ў прэзідэнт ЗША заклікала звярнуць увагу на адну з фраз ейнага апанента.
Уладзімір Пуцін будзе "сядзець у Кіеве", сталіцы Украіны, калі Дональд Трамп будзе абраны прэзідэнтам ЗША.
Пра гэта заявіла віцэ-прэзідэнтка і кандыдатка ад дэмакратаў Камала Гарыс, паведамляе CNN.
Харыс нагадала, што Трамп заяўляе аб планах развязаць пытанне Украіны і Расеі за адзін дзень. «Прачытайце і зразумейце, што ён кажа. Ён здасца», - сказала Гарыс падчас мерапрыемства ў Мічыгане з былым сябрам Палаты прадстаўнікоў Ліз Чэйні і Марыяй Шрайвер.
Яна дадала: «Ён бы прымусіў Украіну адмовіцца ад барацьбы з агрэсарам, які парушае яе суверэнітэт. Калі б Дональд Трамп быў прэзідэнтам, Уладзімір Пуцін сядзеў бы ў Кіеве і разумеў, што гэта азначала б для Амерыкі і нашага становішча ў свеце».