У Кемераўскай вобласці РФ шахцёры абвясцілі галадоўку

• 21.10.2024, 21:37

Яны не атрымліваюць заробак ужо чатыры месяцы.

Супрацоўнікі шахты «Інская» ў Бялоўскім раёне Кемераўскай вобласці РФ абвясцілі галадоўку праз нявыплату заробкаў прадпрыемствам. Пра гэта паведамляюць у панядзелак, 21 кастрычніка, мясцовыя выданні Sreda42 і NGS42.

Пад заявай шахцёраў на імя ўласніка і гендырэктара прадпрыемства Дзяніса Нямыкіна, якую апублікавала суполку «Інцыдэнт Кузбас» у сацсетцы «УКантакце», паставілі подпісы 12 чалавек. Яны плануюць галадаць да поўнай выплаты завінавачанасці ў заробку. Акцыя праходзіць на аўтастаянцы адміністрацыйнага комплексу шахты, там устаноўленыя два намёты.

Падчас сустрэчы з супрацоўнікамі Нямыкін папрасіў не спыняць здабычу, нягледзячы на запазычанасць у заробку. Паводле ягоных словаў, агульныя завінавачанасці шахты разам з заробкамі і падаткамі складаюць блізу 1,2 млрд рублёў. Нямыкін паабяцаў цягам тыдня выплаціць «хоць бы частку завінавачанасці» і заклікаў шахцёраў здабыць блізу 300 тысячаў тонаў вугалю, які застаўся ў лаве.

Нямыкін адзначыў, што шахта павінна здабываць больш за 92 тысячы тонаў вугалю за месяц для працы без стратаў. Пры гэтым больш за 90 тысячаў тонаў сёлета здабылі толькі ў студзені.

Управа Следчага камітэта Расеі Кемераўскай вобласці пачала крымінальную справу паводле артыкула аб нявыплаце заробку. Папярэдне следства вызначыла, што заробак не выплачваўся 382 супрацоўнікам шахты ў перыяд з ліпеня да кастрычніка 2024 года, а запазычанасць перавысіла 46 млн рублёў.